ఈనాటి రెండు కథలు (టపాలు) గురించి ఒకమాట. నేను ఈరెండు కథలు రాసినప్పుడున్న అభిప్రాయాలు కేవలం పాక్షికమని గత రెండు నెలలోనూ నాకు స్పష్టమయింది. అందరిలాగే నేనూ తెలుగు సమసిపోతోందనీ, ఈనాటి యువత తెలుగు భాషని నిర్లక్ష్యం చేస్తున్నారనీ అనుకున్నపుడు రాసిన కధలివి. కాని కొన్ని బ్లాగులు చూసాక, ఎంతోచక్కని తెలుగు రాయగల, తెలుగంటే అభిమానంగల తెలుగువాళ్లు చాలామంది వున్నారని అర్థం అయింది. మీఅభిప్రాయాలు రాసినప్పుడు నాదృష్టిలో వచ్చిన ఈమార్పుని గమనించవలసిందిగా నాకోరిక.
ఈకథ ఇంగ్లీషులో ప్రచురించినతరవాత, నాకు కొన్ని టపాలొచ్చేయి ఇంగ్లీషుబడిలో చదువుకున్న తెలుగుపిల్లలు రాసినవి. దానిమీద నేను అమెరికాలో నేటివ్ ఇండియన్సుని తెల్లవారు ఎలా హింసించేరో కూడా తెలుసుకున్నాను. ఆదృక్పథాన్ని దృష్టిలో పెట్టుకుని రాసిన కథ ఇది. వివరాలు కావలసివారు నా తూలిక.నెట్ లో చూడొచ్చు బైలింగ్వల్ చదువులమీద.
